es | eu
Twitter Flickr
  

BIZKAI MAHAI-TENIS FEDERAZIOA
FEDERACIÓN VIZCAINA DE TENIS DE MESA
17 Mar2023

MAHAI TENISA
ITZULI DA P.I.N.



    Pandemiak behartutako 2 urteko geldialdiaren ondoren, aurten Mahai Tenisa Barakaldoko B.E.C.n egiten den Gabonetako Haur Parkera itzuli da, mahai tenisa praktikatzeko 6 zelai ezarriz.

   Jarduera abenduaren 17an hasi zen eta urtarrilaren 8an amaitu, eta 7.200 pertsona baino gehixeago igaro dira gure standetik. Gainera, 5 Hastapen Jardunaldi antolatu dira. Bertan, eskola adinean dauden 77 haurrek parte hartu zuten, mahai-tenisarekin lehen kontaktua izan zutenak.
17 Eka2022

DAVID ALONSO
EUROPAKO TXAPELDUNORDEA


   David Alonsok zilarrezko domina eta azpitxapelduna lortu du Jens Beck aleman 9 klasearekin finala galduta 5 setetan (11-9 rl 5 setetan).
   Bilbotarrak 3-0 irabazi zion Andrea Furlan Europako txapeldunorde ohiari final-laurdenetan.
   Erdi mailan Baroncelli italiarra mendean hartu du munduko 10.

11 Eka2022

APP BERRIA:
PING-PONG NON JOLASTU


   Aplikazio honen helburua da mundu guztiari laguntzea mahai-tenisean jokatzen Espainiako edozein lekutan. Aplikazio honen ideia oso erraza da: Espainian dauden mahai-teniseko mahai guztiak geolokalizatzea, bai erabilera librekoak, bai klub eta ikastetxeetakoak.
   Ekimen hau Eduardo Arenas Portugaleteko Gure Talde Mahai Tenisa Klubeko jokalari eta entrenatzaileak sortu du.

24 Ira2020

JOSU OCARIZ
PRESIDENTE BERRIA

   Joan den asteartean, hilak 22, egin zuten batzarrean egungo zuzendaritza batzordea berretsi zuten, eta Josu Ocariz Bizkaiko Federazioko presidente berria izateko prozesua amaitutzat eman dute.

04 Aza2019

Iker Sastrek brontzea jantzi du Dutch Openean, eta beste pauso bat eman du Tokio 2020ko sailkapenari begira

   Iker Sastre mahai tenis egokituko jokalariak urrats garrantzitsuak ematen jarraitzen du Tokyo 2020rako bidean, Stadskanaalen (Herbehereak) jokatutako Dutch Openean brontzezko domina irabazi ondoren. Iker 2016ko Rio de Janeiroko Paralinpiar Jokoen atarian geratu zen, eta oraingoan ez du gauza bera gertatzea nahi.

   Basque Team-eko bikaintasun-proiektuan kide den jokalariak taldekako brontzea lortu zuen irailean Suediako Europako txapelketan, eta gaurko emaitzarekin 2 klasean (gurpil-aulkian dabiltzan kirolariak) Munduko bederatzi jokalari onenen artean mantentzen da. Datorren urtean Japoniako hiriburuko hitzordurako plaza lotu nahi du Ikerrek.

   Iker Sastre C multzoko bigarren geratu zen Holandako torneoaren lehen fasean. Final-laurdenetan Miguel Angel Toledo bere taldekidea gainditu zuen 3-0, baina finalerdietan Stephane Molliens frantziarraren aurka etsi du (0-3).

   “Zapore gazi-gozoa geratu zait, finala jokatzea gustatuko zitzaidakeen, baina domina bat lortzeko helburua bete dut. Zerrendako 9. postuari eutsiko diot, eta nire lehiakide hurbilenek posizio batzuk galdu dituzte. Tokiorako txartela lortzetik gertuago nago, datorren denboraldiaren hasieraren ziurtatzen ahaleginduko naiz”, azaldu du.

22 Abe2017


BASQUE TEAM FUNDAZIOAK GABONETAKO GALA EGIN ZUEN

Urte hauetan Fundazioak bekatu dituen hainbat kirolari izan ziren ekitaldian eta enpresekin eta hezkuntzarekin lotutako #BaloreetanBAT proiektuaz gain, denboraldi honetako helburu nagusia aurkeztu zen: 2018ko PyeongChangeko Neguko Jokoak Ekitaldian Bingen Zupiria Eusko Jaurlaritzako Kultura eta Hizkuntza Politikako sailburua buru izan zen, Jon Redondo Eusko Jaurlaritzako Jarduera Fisiko eta Kirol zuzendariak, Maite Iturbe EiTBko zuzendariak eta Olatz Legarza Basque Team Fundazioko koordinatzaileak lagunduta   

Bilbo, 2017ko abenduaren 21ean. Basque Team Fundazioak bere kirolarietako asko eta enpresa eta instituzietako hainbat ordezkari bildu zituen atzo EiTBko Bilbo egoitzan kokatutako Multibox aretoan antolatutako Gabonetako galan. Ekitaldiak 250 gonbidatu baino gehiago izan zituen, teknikariak eta Fundazioarekin hamar urte hauetan loturik egon diren babesleak eta federazioateko kideak barne.

Fundazioaren 10. urteurrenari eskainitako tartearekin hasi zen gala. ‘Haatik’ dantza taldeak ospakizunerako espresuki sortutako koreografiak, zuzeneko musikaz eta ikusentzunezko pieza batez lagunduta, fundazioa sortu zenean ereindako hazi haretatik kimatu den guztia nabarmendu zuen. “Lagun iezaguzu kirol-hazia ereiten”, horixe izan zen galaren leloa. Basque Teametik deia egin zuten, goi mailako euskal kirolean datozen urteak ere orain artekoak bezain oparoak izan daitezen. Maite Iturbe Fundazioko presidenteordeak gonbidatuei ongi etorria egin zien eta ondoren Jon Esturok, Mikel Odriozola atletaren teknikariak, bertsoa bota zuen kirolari eta teknikarien ordezkari gisa.

Horren ostean Basque Teamek hamar urte hauetan kirol arloan eman duena errepasatzeko unea heldu zen. Momenturik onenak azpimarratu ziren, Maialen Chourraut eta Ander Elosegi piraguisten, Ainhoa Murua triatletaren, Leire Olaberria eta Amador Granados txirrindularien, Pablo Carrera eta Kako Aranburu tiratzaileen eta Patricia Elorza eta Eli Pineko eskubaloi jokalarien adierazpenen bitartez.

Ondoren, agurrei eskainitako blokean, Eusko Jaurlaritzako Jarduera Fisiko eta Kirolaren zuzendaria den Jon Redondok Eguzkilore Urdina eman zien aurten goi maila utzi duten kirolariei: Unai Elorriaga txirrindulariari, Maria Lopez de Eguilaz eta Rocio Ybarra hockey jokalariei eta Kiyoshi Uematsu judokari.

Ekitaldiaren hurrengo zatian etorkizunera begiratzeko eskaera egin zitzaien gonbidatuei. Goi mailako kirolarien laneratzea bultzatzeko hitzarmena Fundazioarekin sinatu duten patronalekin, Quiron Salud bere kolaboratzaile nagusiarekin eta beste erakunde batzuekin batera, ‘BaloreetanBAT’ proiektua aurkeztu zuen Basque Teamek.

Proiektu horren bitartez Fundazioak aliantzak eta lankidetza estrategiak sortu nahi ditu enpresa munduan eta hezkuntzan, gizarteak hamar urte hauetan Basque Teamen inbertitu duena bueltan emateko asmoz. Eliteko kirola Euskadiko ezaugarri bereizle bihurtzea da asmoa, kirolaren eta osasunaren inguruko ezagutza bultzatuz eta gizartean aplikatuz, eta kirola bizitza sozialaren ardatz eta elementu dinamizatzaile bilakatuz.

Enpresen munduan, hezkuntzan eta osasunean aukera eta ekimen berriak sortzeko, eta integrazio sozialaren aldeko apustua azpimarratzeko Basque Teamek bost enbaxadore izango ditu: Alberto Iñurrategi alpinista, Maider Unda borrokalaria, Naiara Gomez piragüista, Richar Oribe igerilaria eta Eneko Llanos triatleta. Bost kirolariak aukeratu ditu Fundazioak BASQUE TEAM BALOREAK zabaltzeko euskal gizartearen mesederako, partekatutako proiektuen bitartez.

Etorkizunera begiratuta, baloreez gain, Fundazioak ez ditu alboratzen kirol helburuak. Aurten PyeongChangeko Olinpiar eta Paralinpiar Jokoak izango dira Basque Teameko erronka handiena. Atzoko ekitaldian neguko kirolariekin grabatutako telebistarako iragarkia aurkeztu zen, baita ETB1en eta ETB2n urtarrilean estreinatuko den ‘BAT To PyeongChang’ saioa ere.

Gala bukatu baino lehen kirolarien lana nabarmendu nahi izan zuen Basque Teamek. Kirolari olinpiko onenaren Eguzkilore Zuria Lucas Eguibar snowboardlariari eman zitzaion, kirolari ez olinpikoarena Patxi Peula patinatzailari eta kirol egokituan Jon Santacana eskiatzaileari eta Aitor Francesena surflariari.

Kultura eta Hizkuntza Politikako sailburuaren hitzek itxi zuten ospakizuna. “Basque Team fundazioak 10 urte betetzen ditu baina oraindik beste asko geratzen zaizkio aurretik. Oraindik lan asko dago egiteko eta horregatik goi mailako kirolean ereiten eta arrakastak jasotzen jarraitzeko animatzen zaituztet. Banatutako kirol-haziak ereiten lagun iezaguzue” eskatu zuen Zupiriak.  


30 Aza2017


III.PIRAMIDAL FEDERATUA ETA ESKOLARTEKO LIGA



   Asteburu honetan III Piramidal Federatua eta Eskolarteko Ligaren 1. Jardunaldia ospatu dira.

   Ostiralean, Azaroak 24, ESKOLARTEKO Ligaren 1. Jardunaldia ospatu zen Bilboko Errekalde Kiroldegian. Parte-hartze arrakastatsua izan zen, KIMUEN mailako 6 talde eta HAUR mailako 8 talderekin.
   Web orriko ESKOLA KIROLA atalean 1. Jardunaldi honetako emaitzak eta Sailkapenak ikus ditzakezue.

   Igandean, Azaroak 26, III.PIRAMIDAL FEDERATUA ospatu zen Basaurin. 63 kirolarik eman zuten izena eta horren ondorioz LEHEN eta PREFERENTE mailak Artunduaga Kiroldegiko lau mahaitan jokatu ziren, eta BIGARREN eta HIRUGARREN mailak Urbi Kiroldegiko 9 mahaitan.
   FEDERATU PIRAMIDALAK atalean ikus daitezke emaitzak, sailkapena eta Ranking eguneratua.

29 Aza2017

LALIN EREMUKO TORNEOA

   
   Urriaren 28,29 eta 30an Lalín eremuko Torneoa ospatu zen Galiziako lurretan. Torneo hau estatu mailako torneorako sailkatzeko baliagarria zen eta baita mailen Ranking Nazionalerako puntuagarria ere.

   9 izan dira beraien kategorietan sailkatzea lortu duten jokalariak, Otsailean Valladoliden ospatuko den ESTATU mailako txapelketarako txartela lortuz.

   Hauek dira sailkatu diren jokalari bizkaitarren emaitzak, hauetariko bik podiuma zapaldu zutelarik:
  • Emakumezko Kimuak: Anne Felipe 4. Sailkatua (Basauri)
  • Gizonezko Gazteak: Pedro David Granko 2. Sailkatua (Peñaskal)
  • U23 Gizonezkoak: Adrian Presto 9. Sailkatua (Marpex Beraun)
  • Emakumezko Seniorrak: Alejandra Martin 6.Sailkatua (Gure Talde)
  • 50 Beteranoak: Oskar Gutierrez 1.Sailkatua (Gure Talde)